Wararka ka imaanaya badda Soomaaliya ayaa sheegaya in burcad-badeed Soomaali ah ay afduubteen markab shidaal sida oo wata calanka Malta, kaasoo lagu magacaabo Hellas Aphrodite. Markabkan ayaa ka ambabaxay magaalada Sikka ee dalka Hindiya, isagoo kusii jeeday magaalada Durban ee dalka Koonfur Afrika.
Sida ay wararku sheegayaan, afduubka ayaa ka dhacay meel qiyaastii 600 mayl u jirta xeebaha Soomaaliya, halkaas oo burcad-badeedda ay adeegsanayeen qoryaha darandooriga u dhaca iyo bam-gacmeedyo si ay u joojiyaan markabka.
Markabka la afduubay waxaa saarnaa shaqaale gaaraya labaatan qof (20) oo u badan muwaadiniin shisheeye. Ilaa iyo hadda lama xaqiijin xaaladda shaqaalahaas, inkastoo wararka hordhaca ah ay tilmaamayaan in aysan jirin wax dhaawac ah oo la soo sheegay.
Saraakiil ka tirsan hay’adaha ammaanka badda ee caalamka (IMB) iyo ** ciidamada ilaalinta xeebaha Soomaaliya** ayaa xaqiijiyay in la bilaabay raadinta iyo baaritaanka halka uu markabku ku sugan yahay. Waxaa sidoo kale la sheegay in kooxdii afduubka geysatay ay ka soo galeen gudaha Soomaaliya, balse faahfaahinta saxda ah ee goobta weli lama shaacin sababo amni dartood.
Hay’adaha caalamiga ah ee la socda nabadgelyada marin-biyoodka Badweynta Hindiya ayaa uga digay maraakiibta kale ee maraysa aagga in ay muujiyaan feejignaan dheeraad ah, maadaama ay suurtagal tahay in weeraro kale oo la mid ah ay dhacaan.
Xaaladda markabka Hellas Aphrodite wali waa mid aan la hubin, waxaana socda wada-hadallo iyo isku dayo lagu doonayo in lagu sii daayo shaqaalaha iyo markabka la afduubay
Sidanoo kale sanadii hore 07.December 2024 kii Kooxo burcad badeed ah ayaa qabsaday markab kaluumaysi oo laga lahaa dalka Shiinaha kasoo saarnaayeen 18 shaqaale ah, ayaa dalbadeen lacago furasho ah oo dhan 5 milyan oo dollar.