WARSAXAAFADEED
Tariikh: July 30, 2025
Goobta: Laascaanood, Sool
Soo Gabogabeynta Shirweynaha Dhameystirka Dowlad Goboleedka SSC-Khaatumo iyo
Ansixinta Dastuurka Dowlad Goboleedka Waqooyi Bari Soomaaliya
Waxaa caawa si rasmi ah loogu soo gabogabeeyay magalada Laascaanood Shirweynihii
Dhameystirka Dowlad Goboleedka SSC-Khaatumo, kaas oo socday muddo 8 maalmood ah, laguna qabtey marxaladdii labaad ee dhameystirka dowlad goboleedka.
Shirkan taarikhiga ah ayaa waxaa si rasmi ah u soo xirey Wasiirka Wasaaradda Arrimaha
Gudaha, Federaalka iyo Dib-u-heshiisinta Dowladda Federaalka Soomaaliya, Mudane Cali Yuusuf Cali (Xoosh), iyadoo ay kasoo qeybgaleen 417 ergo oo matalayey bulshada kala duwan ee kasoo jeeda gobollada Sool, Sanaag iyo Togdheer/Ceyn.
Inti uu shirku socday, ergooyinka beelaha iyo deegaanka waxay si buuda ugu heshiiyeen
arrimo sal u ah dhismaha dowlad goboleedka, waxaana si wadajir ah loo ansixiyay Dastuurka
Dowlad Goboleedka cusub, oo rasmi ahaan loogu magac darey –
Dowlad Goboleedka Waqooyi Bari Soomaaliya, Caasimaddiisuna tahay: Magaalada Laascaanood.
Dowladda Federaalka Soomaaliya waxay si
weyn u bogaadisay dadaallada nabadeed,
wadatashiga iyo midnimada buishada deegaanadda SSC ee horseeday guushan weyn.
Wajiga saddexaad ee geeddi-socodka dhameytirka dowlad goboleedka ayaa si rasmi ah loo bilaabi doona maalmaha soo soda, wuxuuna diradda saari doonaa –
Dhismaha hay’adda koowaad (Golaha Barlamaanka) ee dowlad goboleedka,
Qabashada doorashada Madaxweynaha iyo Madaxweyne ku xigeenka.
Wasaaradda Arrimaha Gudaha, Federaalka iyo Dib-u-heshiisinta waxay mar kale u mahadcelinaysaa dhammaan
ergooyinka, bulshada deegaanka, saamileyda iyo
daneyayaasha taageeray geeddi-socodkan muhiimka ah ee horseedaya nabadda iyo
horumarka deegaanaddaan.
DHAMMAAD